verbarium_by

Настýпны / Nastupny / Next / Следующий Які наступае, настае непасрэдна пасля каго‑, чаго‑н.; бліжэйшы па чарзе. У дыме і тумане ўставала раніца наступнага дня. Шчарбатаў.

Крыжа́к / Kryžak / Crusader / Крестоносец Удзельнік крыжовых паходаў, які першапачаткова насіў на адзенні чырвоны крыж. Насоўвалася бяда. З аднаго боку крыжакі, з другога — татара-мангольская навала. Караткевіч.

Пазуры́ / Pazury / Claws / Когти Кіпцюры, ногці. Ну і ўпартая ж ваша Юзя, пане Лямэнт. Ужо з год дамагаюся, каб хоць раз яе пацалаваць — і не ўдаецца. Я да яе, а яна або ўцякае, або пазурамі дзярэцца, як кошка. Чорны.

Запрашаю ў сяброўскі канал Палявая пошта. Гэта грунтоўная калекцыя старых паштовак і фатаздымкаў Беларусі, а таксама фотапараўнанні тады/цяпер ды розныя цікавыя факты з гісторыі. Падпісвайцеся:

Сýмнік / Sumnik / Goldenrod / Золотарник Шматгадовая травяністая расліна сямейства складанакветных, вядомая як лекавая, меданосная і фарбавальная. Cумнік канадскі вельмі хутка захоплівае новыя тэрыторыі, бо кожны куст можа даць да 100 тысяч штук насення.

Асáда / Asada / Frame / Рама Рама. Хто ж тады пашые боты і хамут і зробіць вакенныя асады ў новай хаце? Гарэцкі.