LankaVision 📺 /// so gesehen... 💬
Übersetzung von EBOLA
(Corona, Influenza, HIV, SARS etc.) ins Schwäbische:
BLED-Virus
(Hochdeutsch: blöd;
wer an Viren glaubt)
Oin Virus laicht da nägschta
Bis vor a paar Johr hot ma bei eis fascht bloß da Grippe-Virus kennt. A baar Käpsela vielleicht no en Computervirus. Aber seit einiger Zeit womselets bloß no so vor lauter Vira. Se nommet so iberhand, dass se scho Näma grieget - Abkürzonga mit Großbuchstaba: HIV beispielsweis oder BSE. Oder sogar mit Buchstaba ond Zahla wia H5N1 für da Erreger von der Vogelgrippe oder H1N1 für den von dr Schweinegrippe.
Solang d Fachleit no mit dene beschäftigt send, vermehrt sich a ganz rabiater Virus drweil ganz hälenga. Des isch dr B-L-E-D-Virus, kurz BLED-Virus. Dr Wissaschaftler Dr. Gerhard Raff uss Degerloch hot scho lang vor dem gwarnet, aber uff den hot jo neamed gloset.
Der BLED-Virus isch viel gfährlicher wia BSE, HIV ond älle dia Hs ond Ns zemma. Der greift rasend schnell om sich ond koi Mensch woiß, wie viel Leit er scho agschteckt hot.
Hauptüberträger isch des Dooferlesfernseha ond dia nuie Programm, wo wia Pilz uss em Boda schießet. Sogar bei eis Oberschwabe geits jetzt so en Sender. Speziell für Alzheimerpatienta: Do kommt all halb Stond s’ Gleiche ond des da ganza Obend lang!
Aber zruck zom BLED-Virus.
`s Gfährlichscht an dem isch, dass dr Auslöser - eba dr Guckkaschta selber – immun gega ehn isch. Bloß dia Glotzegucker vor em Bildschirm sand betroffa. Ond moischtens isch der BLED-Virus so wuselig, dass d’ Leit gar it tschägget, wia iberzwer se scho sand.
Do hilft koi Notschlachta wia bei de Hs ond Ns oder bei BSE. Do hilft bloß oins ond des isch: abschalta!
Ein Gedicht von Marlies Grötzinger aus ihrem Buch „Schwobakäpsela. Texte und Lieder aus dem Schwäbischen“ (2016)
Wir haben diesen Text in einer Ausgabe des Magazins Wissenschafftplus veröffentlicht.
Ursula Stoll und Dr. Stefan Lanka
***
