Реал трансферлар камайиб кетганидан икки машҳур инсайдерлар "Реал"нинг трансферини деб тортишиб кетишди :))))
Флориан Плеттенберг (твиттерда 700 мингдан ортиқ фолловер), немис футболига ихтисослашган журналист Ян Диоманде билан боғлиқ музокараларни, "ПСЖ", "Реал" ва "Манчестер Сити"нинг унга қизиқишини энг бошидан ёритиб келаётганди. Кейин Фабрицио Романо (30+ миллион фолловер) бирданига Ян Диоманде 100 миллиондан ортиқ суммага "Реал"га ўтиши ҳал бўлгани ҳақида ёзворди. Ҳаммаси шундан бошланди.
Фабрицио Романинг бир одати бор - бирор трансфер пишиб келаётган пайтда аниқ хабарни биринчи бўлиб чиқаришни истайди. Баъзида бу тахминан ҳам бўлиши мумкин. Плеттенбергнинг асосий эътирози шунда эди.
Яъни, Диоманде учун "Реал"нинг 100 миллион евролик таклифи рад этилгач, шунингдек, "ПСЖ"нинг ўйиндан чиқиши маълум бўлгач, футболчи учун асосий даъвогар сифатида фақат "Реал" қолди. Ана шунда Фабрицио Диоманденинг Мадридга ўтаётгани ҳақида here we go қилиб, маълумот бутун дунёга тарқади. Музокаралар бошидан хабар улашиб келаётган Плеттенбергга бу ёқмади ва твиттерда Романога ҳақли савол берди - "хўп, трансфер келишуви аниқ экан, суммаси қанча, нега ёзмаяпсан?"
Плеттенбергга кўра, Романо шунчаки у ва бошқаларни кузатиб ўтириб, "Реал"нинг кейинги таклифи 100 миллиондан ортиқ бўлишини ва бошқа талабгор йўқлигидан "Лейпциг" бунга рози бўлишини тахмин қилган ва аниқ келишув сифатида ёзиб юборган. Шунинг учун аниқ сумма йўқ, фақат "100 миллиондан ортиқ" дейилади холос. Инсайдерлар учун биринчи хабарни бериш муҳим - барча сайтлар кейин айнан уни манба қилиб тарқатади ва инсайдер учун бу аҳамиятли, камида ўқувчиларнинг ошиши нуқтаи назаридан. Романо эса Плеттенберг узоқ вақт пишириб келган ошни тахминий твит билан ўзиники қилиб олди.
Баҳснинг кейинги қисмлари бироз хунук, айниқса Романо томонидан. Плеттенбергга жавоб берар экан, Романо бир пайтлар унинг шахсий ёзишмалардаги гапларини ошкор қилиб юборди. Қандай қилиб фолловерларни ошириш бўйича маслаҳат сўрагани, унга хавас қилиши ҳақидаги гапларни. Албатта, кўпчилик томонидан бу Романонинг кринжи сифатида кутиб олинди.
Энг қизиғи, "Реал"нинг 100+20 миллион евролик таклифи ҳали немис клуби томонидан қабул қилинмаган. Клуб бошидан тўлиқ 120 миллион ҳақида айтиб келяпти. Энди тасаввур қилинг, бу келишув барбод бўлса ва Диоманде бошқа клубга ўтса. Фабрицио Романо шарманда бўлади. Бундай ҳолатлар аввал ҳам бўлган, лекин айнан ҳозир, шу тортишувлар фонида чатоқ. Романо баъзида тахминан ёзвориши исботланиб қолади.
Диоманденинг "Реал"га ўтмаслигини айни пайтда энг кўп Плеттенберг истаётган бўлса керак, тўғрими?))
@aslanov_futbol