❗️ RASMIY MUNOSABAT
🟡 Ijtimoiy tarmoqlarda Yagona interaktiv davlat xizmatlari portali (my.gov.uz) orqali “Haj ziyoratiga navbatga yozilish” xizmatida texnik nosozliklar kuzatilayotgani haqida tarqalgan murojaat yuzasidan Raqamli hukumat loyihalarini boshqarish markazi quyidagilarni ma’lum qiladi:
💬 Avvalo, murojaatda qayd etilgan holat alohida e’tiborga olinib, unda keltirilgan ma’lumotlar yuzasidan Markazning mas’ul mutaxassislari tezkor texnik o‘rganish ishlarini olib borishdi.
🗣 Shuni ta’kidlash lozimki, my.gov.uz portalida davlat xizmatlarining uzluksiz va barqaror ishlashini ta’minlash bo‘yicha doimiy monitoring olib boriladi.
🔵 Tizimga yuqori yuklama tushishi, rejalashtirilgan texnik-profilaktik ishlar yoki davlat tashkilotlarining axborot tizimlari bilan integratsiyada yuzaga kelishi mumkin bo‘lgan vaqtinchalik uzilishlar sababli foydalanuvchilar ekranida “Serverning ichki xatoligi” (Internal Server Error) mazmunida xabar paydo bo‘lishi mumkin.
⚙️ Murojaatda bayon etilgan holatning aniq sabablari markaziy texnik infratuzilma darajasida tekshirilmoqda. Nosozlik tasdiqlangan taqdirda, u tezkorlik bilan bartaraf etiladi.
⏺ Ma’lumot uchun: my.gov.uz portalidagi “Haj ziyoratiga navbatga yozilish” xizmati to‘liq faol holatda bo‘lib, joriy yilning o‘zida ushbu xizmatdan 55 ming marotabadan ortiq foydalanilgan.
📱Yuzaga kelgan holatni individual tahlil qilish va tezkor yechim topish maqsadida, murojaat muallifidan Raqamli hukumat markazining 1242 qisqa raqami yoki (55) 501-36-16 telefon raqami orqali bog‘lanishlarini so‘raymiz.
🔔 Fuqarolarimiz uchun davlat xizmatlarining uzluksiz, qulay va ishonchli ko‘rsatilishini ta’minlash Markazning ustuvor vazifasidir.
🗄 Ushbu murojaat to‘liq nazoratga olingan bo‘lib, o‘rganish natijalari bo‘yicha qo‘shimcha ma’lumot beriladi.
💻 Shuningdek, fuqarolardan davlat xizmatlaridan faqat rasmiy my.gov.uz portali va uning mobil ilovasi (Google Play va AppStore) orqali foydalanishlarini, shaxsiy ma’lumotlar hamda to‘lov rekvizitlarini uchinchi shaxslarga berib qo‘ymasliklarini so‘rab qolamiz.
🌐 my.gov.uz | egov.uz 🚀Telegram 🔵 Facebook 📷instagram ▶YouTube 🎰LinkedIn 🚀 Bot